අධික රුධිර පීඩනය සමග මුත්‍ර වල ප්‍රෝටීන් තිබීම - ප්‍රි-එක්ලැම්ප්සියා තත්ත්වය

ගර්භණී භාවයට පත්වීමත් සමග බොහොමයක් කාන්තාවන්ගේ රුධිර පීඩනයේ වැඩි වීමක් පෙන්වන බව අපට නිතරම අසන්නට ලැබෙන කරුණක්. එවැනි අවස්තාවකදී නිසි ලෙස කායික රෝග වෛද්‍යවරයකුගේ උපදෙස් මත ඔබ රුධිර පීඩනය පාලනය නොකලොත් භායනක ප්‍රතිඵල ඇතිවිය හැකියි. එම තත්වය තවත් දරුණු වන්නේ අධික රුධිර පීඩනය සමග මුත්‍ර වල ප්‍රෝටීන් තිබෙන තත්වය ඇති වූ විටයි. මෙය ප්‍රි-එක්ලැම්ප්සියා තත්ත්වය ලෙස හඳුන්වනවා. ඔබ ඒ ගැන දැනුවත් විය යුතුමයි...

 ප්‍රි-එක්ලැම්ප්සියා තත්ත්වය යනු කුමක්ද?

ඉහත සඳහන් කල පරිදි අධික රුධිර පීඩනය සහ මුත්‍රවල ප්‍රෝටීන් තිබෙන අවස්ථාවේ අපි ප්‍රි-එක්ලැම්ප්සියා තත්ත්වය ලෙස හඳුනා ගන්නවා... මෙහි ඇති භයානකත්වය වන්නේ, ඒ සමගම ඔබේ අක්මාව සහ වකුගඩු වල සංකුලතා ඇතිවිය හැකි අතර නොනවත්වා ඇතිවන හිසරදය, ඇස් පෙනීමේ වෙනස්කම් ආදියත් ඇතිවිය හැකිනිසායි. සාමාන්‍යයෙන් ගර්භණී මවුවරුන්ගෙන් 5% පමණ මෙම තත්වයට මුහුණ දෙන අතර සති 37න් පසු මෙම ලක්ෂණ දැකීමට පුළුවන්. නමුත් එයට පෙර මෙම ලක්ෂණ මතුවන අවස්ථාද තිබේ. එම නිසා සති 20 පමණ සිට මේ පිලිබඳ අවධානයෙන් සිටින්න. ඒ වගේම සමහර විට ගර්භාෂය තුල ගැටිත්තක් ලෙස සිදුවන අසාමාන්‍ය වර්ධනයක් නිසා මුල්කාලයේ සිටම මෙම තත්වය ඇති විය හැක. (මෙය Molar Pregnancy ලෙස හඳුන්වයි, මන්දයත් ඔබට ගර්භණී භාවයේ ලක්ෂණ මෙය නිසාද මතුවන නිසා! - නමුත් එය සැබෑ දරු උපතක් බවට පත්වන්නේ නැහැ)

ප්‍රි-එක්ලැම්ප්සියා තත්ත්වයෙහි ලක්ෂණ මොනවාද?

මෙම තත්වය එක වරම අනපේක්ෂිත ලෙස ඇති විය හැක. ගර්භනී සමයේ මැද කාලයට පැමිණි විට ඔබේ ඇස අවට, අත් වල, කකුල්/විලුඹ අවට අසාමාන්‍ය ලෙස ඉදමීමක් හෝ "පිපීමක්" ඇතිවනවාද යන්න පිළිබඳව අවධානයෙන් සිටින්න. ඒ සමගම එකම සතියක් තුල බර කිලෝ 2.5කින් පමණ එකවරම ඉහල යන්නේද බලන්න (එයට හේතුව ඔබේ ශරීර පටක තුල ජලය එක්රැස් වීමයි). මීට අමතරව තත්වය දරුණු වූ විට ඔබට දැඩි හිසරදය, ඇස් පෙනීම බොඳවීම, චායාවන් දෙකක් පෙනීම, ඇස් ඉදිරියේ ගිනි පුපුරු (තරු)/අකුණු ගසනවා ලෙස පෙනීම, ආලෝකය දෙස බැලීමට අපහසුතාව, එකවරම මොහොතකට කිසිවක් නොපෙනී යාම, උදරයේ ඉහල කොටසේ දැඩි වේදනාව සමග වමනය/හිස කරකැවිල්ල ආදිය දැකිය හැකියි. මෙම දරුණු ලක්ෂණ පෙන්වන්නේ නම් වහාම වෛද්‍ය ප්‍රතිකාර වෙත යොමු වන්න.

ප්‍රි-එක්ලැම්ප්සියා තත්ත්වය නිසා මවටත් දරුවාටත් ඇතිවන බලපෑම් මොනවාද?

මෙම තත්වය සාමාන්‍යයෙන් ගර්භනී සමයේ අවසාන කාලයේදී ඇතිවන අතර නිසි ලෙස ප්‍රතිකාර සහ වෛද්‍ය අධීක්ෂණය යටතේ තැබීමෙන් ගැටළු අවම දරු උපතක් සිදු කල හැක. නමුත් මෙම තත්වය අසාධ්‍ය වන්නේ නම් ඔබේ වැදගත් ඉන්ද්‍රියයන් රැසකට ගැටළු ඇති විය හැක. මෙම තත්වය නිසා ඔබේ අක්මාව, වකුගඩු සහ මොලයට ලැබෙන රුධිර ප්‍රමාණය පහල යයි. එවිට එම ඉන්ද්‍රියයන්ගේ ක්‍රියාකාරිත්වය අඩාළ වේ. ඔබේ දරු ගැබටත් එමගින් හානි සිදුවිය හැක. මන්දයත් අඩු වන ලේ ගමනාගමනය නිසා ඇම්නියන තරලයේ අඩුවීමක්, වැදෑමහ දරු උපතට පෙරම ගර්භාෂයෙන් ගැලවී යාමක් ආදිය සිදුවිය හැක. එවැනි තත්වයක් නිසා දරුවා නිසි කාලයට පෙර බිහි කිරීමට සිදුවේ. එහි ඇති අවදානම් තත්වය සාමාන්‍ය දරු උපතකට වඩා බොහෝ වැඩිය. ඒ සමගම ඔබේ විලුඹ ප්‍රදේශයේ ඉඩමුම් වැඩි වීම දැකිය හැකිය. මෙය සිදුවන්නේ රුධිර නාල වලින් ඔබේ අනෙකුත් මාංශ පේශි අතර පටක වලට තරලයක් ගලා එම නිසාය. ප්‍රි-එක්ලැම්ප්සියා තත්වයෙන් පීඩා විඳි මවු වරුන්ගේ එම ලක්ෂණ දරු උපතින් පසු බොහෝ විට මග හැරී යන නමුත් මෙම තත්වයට ලක් වූ මවුවරුන් පසු කාලයේදී වෙනත් හදවත් සහ ආශ්‍රිත රෝග වලට (දිගින් දිගටම පවතින අධි රුධිර පීඩනය, ආඝාතය හෝ හදවත අකර්මන්‍ය වීම) මුහුණ පෑමේ අවදානම ඉහල යයි.

මෙම තත්වය ඇතිවීමේ අවදානම වැඩිවන්නේ කෙසේද?

ගැබ් ගැනීමටත් පෙර සිටම ඔබට අධික රුධිර පීඩනය තත්වය තිබුනේ නම්, ලේ කැටි ගැසීම වැඩිවන ලෙඩ රෝග, දියවැඩියාව, වකුගඩු ආබාධ, ප්‍රතිශක්ති අසාමාන්‍යතා ආස්දිය මෙම තත්වය ඇති වීමේ ඉඩ කඩ වැඩි කිරීමට ඉවහල් වෙයි. එසේම ඔබේ පවුලේ කිට්ටු නෑයකු මෙම තත්වයට මුහුණ දුන්නේ නම්, ඔබේ බර සාමාන්‍ය තත්වයට වඩා වැඩිනම්, වයස 40ට වැඩිනම් සහ නිවුන් දරු උපතකදී ද මෙම අවදානම ඉහල යයි.

ප්‍රී-එක්ලැම්ප්සියා තත්වය ඇතිවිට කුමක් කරනු ඇත්ද?

ඔබේ දරු ගැබට සති 37 පිරි ඇතිනම්, ගැබ්ගෙල විශාල වීමට ආරම්භ වී ඇති නම් සහ වෙනත් අවදානම් ලක්ෂණ නොමැති නම්, බොහෝවිට වෛද්‍යවරුන් ඔබේ දරු උපත ඉක්මන් කරවන බෙහෙත් නියම කර දරු උපත සිදු කරවීමට උත්සහ කරනු ඇත. එසේ නොමැතිනම් සිසේරියන් සැත්කමක් මගින් දරුවා පිටතට ගැනීමද සිදුවේ. නමුත් ඔබට සති 37 පිරි නොමැති නම් සහ දරුවාට තර්ජනයක් නොපෙනේ නම් වෛද්‍යවරයා ඔබට නිසි තත්වය පාලනය කරන බෙහෙත් නියම කර ප්‍රවේසම් වීමට නිසි උපදෙස් දෙනු ඇත. එවිට ඔබ ඇඳ විවේකය වැඩියෙන් ලබා ගත යුතුය. ඔබේ රුධිර පීඩනය ඉතා ඉහල ගොස් ප්‍රී-එක්ලැම්ප්සියා තත්වය භයානක තත්වයකට පත්වන ලකුණු පෙනේ නම් ඔබ රෝහල් ගත කර මෙම තත්වය පාලනය පිලිබඳ විශේෂඥ වෛද්‍යවරයකු/රෝහලක් වෙත යොමු කරනු ඇත.

මෙය වැළැක්වීමට පෙර සිට ගත හැකි පියවර තිබේද?

අවාසනාවකට මෙන් මෙය ඇතිවන තුරු ඔබ නොදන්නා අතර එසේ පෙර සිට නවත්වා ගැනීමේ ක්‍රමයක්ද නිශ්චිතව කිව නොහැක. නමුත් අධික රුධිර පීඩනය ඇතිවීමට සාමාන්‍යයෙන් බලපාන දේවල් පාලනය ඔබට කල හැක. (අඩුවෙන් ලුණු කෑම, කැල්සියම් වැඩියෙන් ගැනීම, විටමින ලබා ගැනීම ආදිය). ඔබට අධි රුධිර පීඩනය ඇතිවන බව වෛද්‍යවරයා හඳුනා ගතහොත් ඇස්ප්‍රින් ආශ්‍රිත බෙහෙත් වර්ගයක්ද නියම කෙරේ. 

ඉතින් ඉහත දැක්වෙන ලෙස ඔබ නිතරම අවදානයෙන් සිටීනම් මෙම තත්වයෙන් ඇතිවන ගැටලුවලට හොඳින් මුහුණ දී දරු උපතේදී සිදුවන අවදානම් අවම කර ගැනීමට ඔබටත් පුළුවන්. අපේ සුභ පැතුම්!

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති "recommend" ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි! 

If you found this article interesting and helpful, please share with your friends too. Just click the "recommend" button below. Also, we welcome your comments, views and experiences to share with other moms and ladies. Thank you! 

Srineth.com

Read More

ගර්භණී සමයේ මානසික අභියෝග

ඔබ ඔබෙ සහකරුට එකවර සැරපරුශ වනවාද? එකවර ඔහු කෙරෙහි ආකර්ශනය වනවාද? නැතහොත් එකවර හැඩීමට හෝ  සිනසීමට සිතෙනවාද? මෙය හෝමෝන වෙනස් වීම නිසා සිදුවන සාමානය තත්වයකි.නමුත් ඔබ එය හොදින් නිරීක්ශනය කල යුතු වේ.

විශේශයෙන් ඔබ කාන්සාව හෝ විශාදය තත්වයෙන් හෝ වෙනත් මනසික ගැටලු තත්වයකින් පෙලුනු කාන්තවක් නම් ගර්භණී සමයේ සිතේ වෙනස් වීම ඔබට බලපැ හැක.

මේ සදහා ප්රදානම හේතුව හෝමෝන වෙනස් වීම වන අතර බොහෝ ගර්භණී මව්වරුන් මේ නිසා අපහසුතාවයට පත් වී තිබේ.විශේශයෙන් පලමු මාස තුන තුල ඊස්ට්රජන් සහ ප්රොජෙස්ටරෝන් මට්ටමේ සිදුවන විශ්මය ජනක වෙනස් වීම මගින් මොලයී සිදුවන රසයනික වෙනස් වීම මෙයට හේතු වේ.

වෛද්යවරයා  හමුවිය යුත්තෙ කවදද?

 ඔබ කාන්සාව හෝ විශාදය තත්වයෙන් හෝ වෙනත් මනසික ගැටලු තත්වයකින් පෙලුනු කාන්තවක් නම් හෝ  පවුල් ඉතිහසයේ එවැනි රෝග තත්වයක් තිබේ නම් හෝ ඔබ උග්ර ලෙස මෙම තත්වය නිසා පීඩා විදින්නේ නම්  වෛද්යවරයෙකු හමු විය යුතු වේ.

මේ සදහා කළ යුත්තේ කුමක්ද?

ඔබේ සිතෙහි වෙනස් වීමට හේතුව කාන්සාව, විශාදය හෝ වෙනත් මනසික ගැටලු තත්වයක් නොවේ නම් වෙහෙස නිවාලීමට  අවශ්ය පියවර ගන්න. ඒ සදහා යෝග ක්රම,ව්යායාම මෙන්ම භාවනා ක්රම උපකාර විය හැක. එමෙන්ම සම්බල ආහාර වේලක්ද මේ සදහා උපකාර කර ගත හැකි වේ. මන්ද යත්, රුධිරයේ සීනි ප්රමානය ඉහළ යාම ද මෙයට බලපායි.

ඔබේ සැමියා මේ සදහා සහභාගී කරවා ගන්න. ඔහුගේ මෙන්ම පවුලේ අනෙකුත් සාමජිකයන්ගේ උපකාර මෙන්ම මිතුරු මිතුරියන් ආශ්රය මගින් මෙම තත්වය පාලනය කර ගත හැකි වේ.

අපි ඔබට සුව පහසු පූර්ව ප්රසව අත්දැකීමක් පතන අතර මෙම ලිපිය ප්රයෝජනවත් වූ බව සිතේ නම් ඔබේ අනෙකුත් මිතුරියන්ටත් පහත (recommend) ක්ලික් කිරීම මගින් බෙදා දෙන්න. ස්තුතියි

Srineth.com

Read More

අලුත උපන් දරුවා ලක් කලයුතු පරීක්ෂණ කිහිපයක්

අලුත් උපන් දරුවා ඔබට මෙලොව ඇති වටිනාම සම්පතයි. නමුත් ඔබේ නොදනුවත්බව නිසා දරුවා යම් රෝගයකින් පෙලුනොත්? ඔබ නොදැනම එය දරුණු තත්වයකට පත් වුවහොත්? ඉතින් දරුවා උපන් විගස නිසි ලෙස පරීක්ෂණ වලට ලක් කිරීම හොඳයි නේද? මෙම රෝග තත්වයන් බෝවන රෝග, බෝ නොවන රෝග වගේම උපතින්ම ගෙන එන කායික සංකූලථා ආදියත් සොයා ගැනීමට උදවු වේවි...

අලුත උපන් දරුවන්ට සිදු කරන වෛද්‍ය පරීක්ෂාව

බොහෝවිට දරුවන් උපදින විට ඔවුන් හොඳ සුවතාවයෙන් සිටින බව පෙනුනත් ඔවුන්ට පවතින අපහසුතා සහ අසනීප ඔබට බැලු බැල්මටම නොපෙනිය හැකියි. විශේෂයෙන් මතක තබා ගන්න ඔවුන්ට කතා කර කීමට නොහැකියි තමන්ට දැනෙන අපහසුතා... එනිසා ඔබට වගකීමක් තියෙනවා ඒ පිළිබඳ ඉතා විමසිල්ලෙන් බලා කටයුතු කිරීමට. බොහොමයක් පරීක්ෂණ රුධිර පරීක්ෂාවක් ඇසුරෙන් සිදුකරන අතර එයට අමතරව ඇස් පෙනීම, කන් ඇසීම, හදවත් රෝග පිලිබඳ පරීක්ෂා ආදියත් කරගත හැකියි...

ඔබේ දරුවා පරීක්ෂා කල යුත්තේ කවදාද?

බොහෝ විට ඔබේ දරුවා ඉපදුන රෝහලෙන්ම මෙය සිදු කරනු ඇත. ඇතැම් රෝග තත්ත්ව සහ සංකුලතා වල ලක්ෂණ තිබේ නම් උපන් වහාම පරීක්ෂාවට යොමු කරන අතර, අනෙකුත් පරීක්ෂණ පැය 24ක් පමණ ගත වන විට ආරම්භ කරනු ඇත. යම් කිසි රෝගයක් ඇති බවට පරීක්ෂණ වල පෙන්වයි නම් ඔබ නැවතත් දින කිහිපයකින් රෝහලට පැමිණ වැඩිදුර පරීක්ෂණ කිරීමට උපදෙස් දෙනු ඇත.

අලුත උපන් දරුවාට කල යුතු පරීක්ෂණ මොනවාද?

• සාමාන්‍යයෙන් සිදුකරන පරීක්ෂණ මාලාව රටෙන් රටට සහ රෝහලෙන් රෝහලට තරමක් වෙනස් වනු ඇත. නමුත් ඉතාම වැදගත් පරීක්ෂණ පිළිබඳ අපි මෙහිදී අවදානය යොමු කරමු... මුලින්ම දරුවා කායික පරීක්ෂණයකට බඳුන් කරනු ඇත.

• දරුවාගේ ඇස පෙනීම සම්බන්ධ ගැටළු: විශේෂයෙන්ම ඔබ සොයා බැලිය යුතුයි දරුවාට උපතින්ම ගෙන එන ඇසේ සුද තත්වය තිබේද යන්න. මන්ද යත් එවිට දරුවාගේ ඇස සාමාන්‍ය ලෙස වර්ධනය අදාළ වන නිසා මතු කාලයේදී අන්ධ භාවයට පත්විය හැකි නිසා. එයට අමතරව වෙනත් සංකුලතා තිබේද යන්නත් වෛද්‍යවරුන් සොයාබලනු ඇත.

• හදවත සම්බන්ධ ගැටළු: ඉතා කුඩා මට්ටමේ සිට සංකීර්ණ මට්ටම දක්වා විවිධ හදවත් සංකුලතා අද කාලයේ බහුලයි. සමහරවිට සුදුසුකම් සහ අත්දැකීම් සහිත වෛද්‍යවරයකු යටතේ ශල්‍ය කර්මයක් පවා සිදුකල යුතු වෙයි.

• අස්ථි: දරුවා උපන් වහාම නැගිට නොසිටියත් දරුවාගේ අස්ථි වල යම් අසාමාන්‍යතාවයක් තිබේනම් විශේෂයෙන්ම උකුල ආශ්‍රිතව, වෛද්‍යවරුන් එය ඉක්මනින් දන ගනීවි.

• පිරිමි දරුවන්ගේ වෘෂණ: මෙය නිවැරදි ලෙස පිහිටා ඇති බවට පරීක්ෂා කල යුතු වෙනවා. යම් අසාමාන්‍ය පිහිටීම් නිසා මතු කාලයේ වඳ භාවයට පත්විය හැකියි!

• කන් ඇසීම: දරුවාට සති 2ක් පමණ වයස වන විට මෙම පරීක්ෂාව කල හැකියි. එමගින් කුඩා උපාංගයක් කනට සවි කල හඬක් ඇසීමට සලස්වයි. කනෙහි පිටත සවි කරන තවත් සංවේදකයක් මගින් දරුවාගේ කන තුලට ශබ්දය යන්නේද යන්න බලන්ය් ඇත. තවත් පරීක්ශාවකදී දරුවා ශබ්දය ඇසීමෙන් පසු ගමන් කරන සංඥා ස්නායු තුලින් යන්නේද නැද්ද යන්න සොයා බලනු ඇත.

• ලේ පරීක්ෂා: දරුවාට අවම වශයෙන් වේදනාවක් සිදුවන ලෙස කකුලෙන් ලේ ස්වල්පයක් ගෙන ක්‍රම මෙම පරීක්ෂා ඉතා වැදගත් වෙයි. Sickle Cell Disease, Cystic Fibrosis වැනි දරුණු රෝග සහ කලාතුරකින් ඇතිවන Phenylketonuria (PKU) වැනි මානසික සංකුලතා ඇති කරන රෝග, තයිරොයිඩ් ග්‍රන්ථියේ අඩු ක්‍රියාකාරිත්වය ආදී ගැටළු රැසක් මෙම ලේ පරීක්ෂාවෙන් හෙළිවේ.

මෙම පරීක්ෂා පමණක් ප්‍රමාණවත් ද?

අනිවාර්යෙන්ම ඔබ මෙයින් නැවතිය යුතු නැත. මන්ද යත් සමහර සංකුලතා හෙළි වීමට දින හෝ සති කිහිපයක් ගතවන බැවිනි. සති 6ත් 8ත් අතර කාලය වන විට නැවතත් පරීක්ෂණයකට දරුවා ගෙන යාම සුදුසුය. එහිදී නැවත වරක් දරුවාට පෙනෙන දෙයට අවධානය යොමු කරයිද, කන් ඇසීම පිළිබඳ සැකයක් වේද සහ පිරිමි දරුවන්ගේ වෘෂණ වල අසාමාන්‍ය පිහිටීමක් වේද, ගැහැණු දරුවන්ගේ යෝනි මාර්ගයේ පිහිටීමේ අසාමාන්‍යතා පවතීද යනාදිය පරීක්ෂා කරනු ඇත.

මෙම පරීක්ෂණ නිසි ලෙස කර ගැනීමෙන් ඔබේ දරුවා බොහොමයක් ලෙඩ රෝගවලට සහ සන්කුලතාවලට ගොදුරු වී පසු කාලීනව ඇතිවන අපහසුතා මග හරවා ගත හැක. පරීක්ෂණ කල පමණින්ම ඔබේ විමසිල්ල අඩු කරන්න එපා. මුල් අවධියේ දරුවා ගැන නිසි අවධානයෙන් හැම වෙලාවකම සිටින්න. ඔබටත් දරුවාටත් අපි සුභ පතමු...

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති "recommend" ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි! 

If you found this article interesting and helpful, please share with your friends too. Just click the "recommend" button below. Also, we welcome your comments, views and experiences to share with other moms and ladies. Thank you!
Srineth.com

Read More

අධික රුධිර පීඩනය සමග මුත්‍ර වල ප්‍රෝටීන් තිබීම - ප්‍රි-එක්ලැම්ප්සියා තත්ත්වය

ගර්භණී භාවයට පත්වීමත් සමග බොහොමයක් කාන්තාවන්ගේ රුධිර පීඩනයේ වැඩි වීමක් පෙන්වන බව අපට නිතරම අසන්නට ලැබෙන කරුණක්. එවැනි අවස්තාවකදී නිසි ලෙස කායික රෝග වෛද්‍යවරයකුගේ උපදෙස් මත ඔබ රුධිර පීඩනය පාලනය නොකලොත් භායනක ප්‍රතිඵල ඇතිවිය හැකියි. එම තත්වය තවත් දරුණු වන්නේ අධික රුධිර පීඩනය සමග මුත්‍ර වල ප්‍රෝටීන් තිබෙන තත්වය ඇති වූ විටයි. මෙය ප්‍රි-එක්ලැම්ප්සියා තත්ත්වය ලෙස හඳුන්වනවා. ඔබ ඒ ගැන දැනුවත් විය යුතුමයි...

 ප්‍රි-එක්ලැම්ප්සියා තත්ත්වය යනු කුමක්ද?

ඉහත සඳහන් කල පරිදි අධික රුධිර පීඩනය සහ මුත්‍රවල ප්‍රෝටීන් තිබෙන අවස්ථාවේ අපි ප්‍රි-එක්ලැම්ප්සියා තත්ත්වය ලෙස හඳුනා ගන්නවා... මෙහි ඇති භයානකත්වය වන්නේ, ඒ සමගම ඔබේ අක්මාව සහ වකුගඩු වල සංකුලතා ඇතිවිය හැකි අතර නොනවත්වා ඇතිවන හිසරදය, ඇස් පෙනීමේ වෙනස්කම් ආදියත් ඇතිවිය හැකිනිසායි. සාමාන්‍යයෙන් ගර්භණී මවුවරුන්ගෙන් 5% පමණ මෙම තත්වයට මුහුණ දෙන අතර සති 37න් පසු මෙම ලක්ෂණ දැකීමට පුළුවන්. නමුත් එයට පෙර මෙම ලක්ෂණ මතුවන අවස්ථාද තිබේ. එම නිසා සති 20 පමණ සිට මේ පිලිබඳ අවධානයෙන් සිටින්න. ඒ වගේම සමහර විට ගර්භාෂය තුල ගැටිත්තක් ලෙස සිදුවන අසාමාන්‍ය වර්ධනයක් නිසා මුල්කාලයේ සිටම මෙම තත්වය ඇති විය හැක. (මෙය Molar Pregnancy ලෙස හඳුන්වයි, මන්දයත් ඔබට ගර්භණී භාවයේ ලක්ෂණ මෙය නිසාද මතුවන නිසා! - නමුත් එය සැබෑ දරු උපතක් බවට පත්වන්නේ නැහැ)

ප්‍රි-එක්ලැම්ප්සියා තත්ත්වයෙහි ලක්ෂණ මොනවාද?

මෙම තත්වය එක වරම අනපේක්ෂිත ලෙස ඇති විය හැක. ගර්භනී සමයේ මැද කාලයට පැමිණි විට ඔබේ ඇස අවට, අත් වල, කකුල්/විලුඹ අවට අසාමාන්‍ය ලෙස ඉදමීමක් හෝ "පිපීමක්" ඇතිවනවාද යන්න පිළිබඳව අවධානයෙන් සිටින්න. ඒ සමගම එකම සතියක් තුල බර කිලෝ 2.5කින් පමණ එකවරම ඉහල යන්නේද බලන්න (එයට හේතුව ඔබේ ශරීර පටක තුල ජලය එක්රැස් වීමයි). මීට අමතරව තත්වය දරුණු වූ විට ඔබට දැඩි හිසරදය, ඇස් පෙනීම බොඳවීම, චායාවන් දෙකක් පෙනීම, ඇස් ඉදිරියේ ගිනි පුපුරු (තරු)/අකුණු ගසනවා ලෙස පෙනීම, ආලෝකය දෙස බැලීමට අපහසුතාව, එකවරම මොහොතකට කිසිවක් නොපෙනී යාම, උදරයේ ඉහල කොටසේ දැඩි වේදනාව සමග වමනය/හිස කරකැවිල්ල ආදිය දැකිය හැකියි. මෙම දරුණු ලක්ෂණ පෙන්වන්නේ නම් වහාම වෛද්‍ය ප්‍රතිකාර වෙත යොමු වන්න.

ප්‍රි-එක්ලැම්ප්සියා තත්ත්වය නිසා මවටත් දරුවාටත් ඇතිවන බලපෑම් මොනවාද?

මෙම තත්වය සාමාන්‍යයෙන් ගර්භනී සමයේ අවසාන කාලයේදී ඇතිවන අතර නිසි ලෙස ප්‍රතිකාර සහ වෛද්‍ය අධීක්ෂණය යටතේ තැබීමෙන් ගැටළු අවම දරු උපතක් සිදු කල හැක. නමුත් මෙම තත්වය අසාධ්‍ය වන්නේ නම් ඔබේ වැදගත් ඉන්ද්‍රියයන් රැසකට ගැටළු ඇති විය හැක. මෙම තත්වය නිසා ඔබේ අක්මාව, වකුගඩු සහ මොලයට ලැබෙන රුධිර ප්‍රමාණය පහල යයි. එවිට එම ඉන්ද්‍රියයන්ගේ ක්‍රියාකාරිත්වය අඩාළ වේ. ඔබේ දරු ගැබටත් එමගින් හානි සිදුවිය හැක. මන්දයත් අඩු වන ලේ ගමනාගමනය නිසා ඇම්නියන තරලයේ අඩුවීමක්, වැදෑමහ දරු උපතට පෙරම ගර්භාෂයෙන් ගැලවී යාමක් ආදිය සිදුවිය හැක. එවැනි තත්වයක් නිසා දරුවා නිසි කාලයට පෙර බිහි කිරීමට සිදුවේ. එහි ඇති අවදානම් තත්වය සාමාන්‍ය දරු උපතකට වඩා බොහෝ වැඩිය. ඒ සමගම ඔබේ විලුඹ ප්‍රදේශයේ ඉඩමුම් වැඩි වීම දැකිය හැකිය. මෙය සිදුවන්නේ රුධිර නාල වලින් ඔබේ අනෙකුත් මාංශ පේශි අතර පටක වලට තරලයක් ගලා එම නිසාය. ප්‍රි-එක්ලැම්ප්සියා තත්වයෙන් පීඩා විඳි මවු වරුන්ගේ එම ලක්ෂණ දරු උපතින් පසු බොහෝ විට මග හැරී යන නමුත් මෙම තත්වයට ලක් වූ මවුවරුන් පසු කාලයේදී වෙනත් හදවත් සහ ආශ්‍රිත රෝග වලට (දිගින් දිගටම පවතින අධි රුධිර පීඩනය, ආඝාතය හෝ හදවත අකර්මන්‍ය වීම) මුහුණ පෑමේ අවදානම ඉහල යයි.

මෙම තත්වය ඇතිවීමේ අවදානම වැඩිවන්නේ කෙසේද?

ගැබ් ගැනීමටත් පෙර සිටම ඔබට අධික රුධිර පීඩනය තත්වය තිබුනේ නම්, ලේ කැටි ගැසීම වැඩිවන ලෙඩ රෝග, දියවැඩියාව, වකුගඩු ආබාධ, ප්‍රතිශක්ති අසාමාන්‍යතා ආස්දිය මෙම තත්වය ඇති වීමේ ඉඩ කඩ වැඩි කිරීමට ඉවහල් වෙයි. එසේම ඔබේ පවුලේ කිට්ටු නෑයකු මෙම තත්වයට මුහුණ දුන්නේ නම්, ඔබේ බර සාමාන්‍ය තත්වයට වඩා වැඩිනම්, වයස 40ට වැඩිනම් සහ නිවුන් දරු උපතකදී ද මෙම අවදානම ඉහල යයි.

ප්‍රී-එක්ලැම්ප්සියා තත්වය ඇතිවිට කුමක් කරනු ඇත්ද?

ඔබේ දරු ගැබට සති 37 පිරි ඇතිනම්, ගැබ්ගෙල විශාල වීමට ආරම්භ වී ඇති නම් සහ වෙනත් අවදානම් ලක්ෂණ නොමැති නම්, බොහෝවිට වෛද්‍යවරුන් ඔබේ දරු උපත ඉක්මන් කරවන බෙහෙත් නියම කර දරු උපත සිදු කරවීමට උත්සහ කරනු ඇත. එසේ නොමැතිනම් සිසේරියන් සැත්කමක් මගින් දරුවා පිටතට ගැනීමද සිදුවේ. නමුත් ඔබට සති 37 පිරි නොමැති නම් සහ දරුවාට තර්ජනයක් නොපෙනේ නම් වෛද්‍යවරයා ඔබට නිසි තත්වය පාලනය කරන බෙහෙත් නියම කර ප්‍රවේසම් වීමට නිසි උපදෙස් දෙනු ඇත. එවිට ඔබ ඇඳ විවේකය වැඩියෙන් ලබා ගත යුතුය. ඔබේ රුධිර පීඩනය ඉතා ඉහල ගොස් ප්‍රී-එක්ලැම්ප්සියා තත්වය භයානක තත්වයකට පත්වන ලකුණු පෙනේ නම් ඔබ රෝහල් ගත කර මෙම තත්වය පාලනය පිලිබඳ විශේෂඥ වෛද්‍යවරයකු/රෝහලක් වෙත යොමු කරනු ඇත.

මෙය වැළැක්වීමට පෙර සිට ගත හැකි පියවර තිබේද?

අවාසනාවකට මෙන් මෙය ඇතිවන තුරු ඔබ නොදන්නා අතර එසේ පෙර සිට නවත්වා ගැනීමේ ක්‍රමයක්ද නිශ්චිතව කිව නොහැක. නමුත් අධික රුධිර පීඩනය ඇතිවීමට සාමාන්‍යයෙන් බලපාන දේවල් පාලනය ඔබට කල හැක. (අඩුවෙන් ලුණු කෑම, කැල්සියම් වැඩියෙන් ගැනීම, විටමින ලබා ගැනීම ආදිය). ඔබට අධි රුධිර පීඩනය ඇතිවන බව වෛද්‍යවරයා හඳුනා ගතහොත් ඇස්ප්‍රින් ආශ්‍රිත බෙහෙත් වර්ගයක්ද නියම කෙරේ. 

ඉතින් ඉහත දැක්වෙන ලෙස ඔබ නිතරම අවදානයෙන් සිටීනම් මෙම තත්වයෙන් ඇතිවන ගැටලුවලට හොඳින් මුහුණ දී දරු උපතේදී සිදුවන අවදානම් අවම කර ගැනීමට ඔබටත් පුළුවන්. අපේ සුභ පැතුම්!

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති "recommend" ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි! 

If you found this article interesting and helpful, please share with your friends too. Just click the "recommend" button below. Also, we welcome your comments, views and experiences to share with other moms and ladies. Thank you!
Srineth.com

Read More

ගැබ් ගැනීමක් සිදුවී ඇති බවට ලකුණු

විවාහ වූ පසු දරුවකු ලැබීම ගැන සැලසුම් කල ඔබ ආසාවෙන් බලා සිටින්නේ දරු පිළිසිඳ ගැනීම සිදුවී ඇතිදැයි දැනගැනීමටයි. ඒ වගේම අනපේක්ෂිත සහ අනාරක්ෂිත හැසිරීමක් වූවිට එය පිළිසිඳ ගැනීමකට මුල් වී ඇත්දැයි යන්න ගැනත් ඔබ විමසිලිමත් වී සිටිය හැක. එනිසා ගැබ් ගැනීමක් සිදුවී ඇති බව දක්වන ලකුණු නිසිලෙස දැනගැනීම වැදගත්. අද අපි ඒ ගැන සොයා බලමු.

ගැබ් ගැනීමක් සිදුවී ඇති බවට නිසැක ලෙසම දැනගත හැකි ක්‍රමය වන්නේ වෛද්‍ය පරීක්ෂණයක් පමණි. නමුත් ඔබ නිවසේ සිටින අතර සමහර ලකුණු පෙනේ:

* අසාමාන්‍ය මහන්සිය

මහන්සි ගතිය විවිධ හේතු මත පහල වන බව නොරහසකි. එනිසා ඔබ සාමාන්‍යයෙන් මහන්සි වන දෙයක් නොකළ අවස්තාවකදී ඔබට මහන්සි ගතිය වැඩිපුර දැනේනම්, ඒ වගේම ඔබේ ශරීරයට අවශ්‍ය පෝෂණය නිසි ලෙස ලබෙද්දීත් මහන්සි ගතිය දැනෙයි නම්, විමසිලිමත් වන්න. එය ගැබ් ගැනීමක් දක්වන සලකුණක් විය හැක.

* නිසි දිනට ඔසප් නොවීම

ඔසප් වන දිනය සාමාන්‍ය දින පරාසය තුල නොවී, එය සිදුවන බවට ලකුණක් හෝ නොමැතිනම්, ඔබ ගැබ් ගැනීමක් ගැන සැක කිරීම සාධාරණය. නමුත් මතක තබා ගන්න සියලුම දෙනාට එකම ආර්තව චක්‍රයක් නොමැත. ඇතැම් අවස්ථාවල සාමාන්‍ය දිනට කලින් හෝ ඇතැම් විට මඳක් පමා වී එය සිදුවිය හැක. ඔබ අත්දැකීම අනුව ඉක්මන් වීම හෝ පමා වීම දැනගෙන සිටීනම් එය උදවු වේ. ඔබට අවශ්‍යනම් මෙයට වෙනම දින පතක් හෝ smart phone භාවිතා කරයි නම් app එකක් මගින් එය සටහන් කරගෙන සිට ඊළඟ ආර්තව දිනය අනුමාන කල හැක. ඇතැම් විට ඔබ උපත් පාලන පෙති ගැනීම නතර කල වහාම ඔසප් වීම නැවතීමක් විය හැක. එවිට වෛද්‍ය උපදෙස් පතන්න.

* පියොවුරු වල වෙනස් කම්

මෙය මුල් අවධියේ දැකිය හැකි ලක්ෂණයකි. හෝමෝන ක්‍රියාකාරිත්වය වැඩි වීම නිසා පියවුරු ඉදමුන බවක් හෝ, වේදනා කාරී බවක් හෝ දැනෙන අතර ඇතැම් විට එය තරමක් විශාල වී ඇති බවකුත්, තන පුඩුව අවට අඳුරු පාට වීමත් විය හැක.

* නිතර මුත්‍රා පිටවීම

ඔබ සාමාන්‍යයෙන් මුත්‍රා පිටවන වාර ගණන දන්නා නිසා මෙවැනි වනසක් දන ගැනීම පහසුය. ඔබට දියවැඩියා රෝගය වැළඳී ඇති විටද මෙය සිදුවිය හැක. එනිසා එවැනි අවධානමක් නැති විටත් අසාමාන්‍ය ලෙස මුත්‍රා පිටවන වාර ගණන වැඩිනම් සහ එම කාලයෙම ලිංගික එක්වීමක් වූවානම් ඔබට ගර්භනී පරීක්ෂාවක් කරන්න.

* මල බද්ධය

ගර්භණී භාවයත් සමග වන හෝමෝන ක්‍රියාකාරකම් නිසා සමහර විට මල බද්ධය ඇතිවේ. ඔබට මෙය ඇතිවූ විට මුලින්ම සාමාන්‍ය ප්‍රතිකර්ම (වතුර වැඩිපුර බීම, තන්තු අධික එළවලු සහ පලතුරු කෑම) කර බලන්න. එය සුව ගෙන දෙන්නේ නැතිනම් ගැබ් ගැනීමක් ගැන සක සිතිය හැක.

* උදෑසන අපහසුතා

මෙය ඉතාම ප්‍රසිද්ධ කරුණක් වුවත්, සමහර මවු වරුන්ට එය කිසිසේත් නොදැනෙන බවත්, සමහර මවුවරුන්ට මන්ද වශයෙන් දැනෙන බවත් අමතක නොකරන්න. මෙය තවත් ලක්ෂණ සමග මතු විය හැක. ඒ වගේම සමහර මවු වරුන්ට උදැසන පමණක් නොව දවසේ ඕනෑම වෙලාවක මෙම අපහසුතා දැනෙන්නට පුළුවන්.

* වෙනත් ලක්ෂණ

- ක්ලාන්ත ගතිය

- හිසරදය සහ පිට රිදීම

- මනසේ වෙනස්කම් (mood swings, ඇතැම්විට එක වරම සතුටු වී එක වරම දුක්වේම, තරහ ඒම ආදිය)

මෙහි දැක්වුණේ ඔබට එදිනෙදා ජීවිතයේදී වෛද්‍ය පරීක්ෂාවක් නැතිව දැක ගත හැකි ලක්ෂණ කිහිපයක් පමණි. මෙම ලක්ෂණ එකක් හෝ එකකට වඩා ඔබ ලිංගික එක් වීමකට සුළු කාලයක් ඇතුලත සිදුවේනම් නොපමාව වෛද්‍ය පරීක්ෂාවක් කරගන්න.

If you found this article interesting and helpful, please share with your friends too. Just click the "recommend" button below. Also, we welcome your comments, views and experiences to share with other moms and ladies. Thank you!

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති "recommend" ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි!
Srineth.com

Read More

නිවුන් දරුවන් බලාපොරොත්තුවන මවට ඇති අවදානම් තත්වයන්

නිවුන් දරු උපත් ආශ්‍රිත අවදානම් තත්ත්ව දරුවන්ට පමණක් බලපාන කරුණක් නොවේ. එය මව කෙරෙහිද බලපායි. එසේම මවට බලපාන බොහෝ අවදානම් තත්ත්ව නුපන් දරුවා කෙරෙහිද බලපායි. මෙම අවදානම් තත්ත්ව නොමේරු දරු උපත් මෙන්ම මල දරු උපත් වලටද හේතු විය හැක. මෙම ලිපිය ඔබට ඒ පිළිබද වැඩිදුර තොරතුරු සපයයි.

සමහර නිවුන් දරු අවදානම් තත්ත්ව දරුවන් කෙරෙහි පමණක් බලපාන අතර සමහර අවදානම් තත්ත්ව මව කෙරෙහි පමණක්ද, එසේත් නැතිනම් මව සහ දරුවා යන දෙදෙනා කෙරෙහිමද බලපායි. දරුවන් දෙදෙනෙකු දරා සිටීමේදී ඇතිවන ශාරීරික මෙන්ම මානසික අපහසුතා වලට අමතරව නිවුන් දරු ගර්භනී මවක් විවිධ සංකුලතා වලට මුහුණ දේ. සමහර අවස්ථා වල ඇයට ගර්භනී තත්වය තුල ඇති වන පොදු සංකුලතා වුවද ඉතා අවධානම් අපහසු තත්වයක් ලගා කර දිය හැක. එමෙන්ම ගර්භනී බවේ ලක්ෂණ වලට අධිකව මුහුණදීමට සිදු වේ.

* ගර්භනී අවස්ථාවේ ඇතිවන දියවැඩියාව

සාමාන්‍ය ගර්භනී මවකට වඩා නිවුන් දරු ගර්භනී මවක් ගර්භනී අවස්ථාවේ ඇතිවන දියවැඩියා තත්වයට මුහුණ දීමේ අවධානම දෙගුණයක් වේ. මෙය දරුවන් දෙදෙනෙකු දරා සිටීම නිසා හෝමෝන නිපදවීම වැඩි වන අතර ඉන්සියුලින් නිපදවීම අඩාල වීම නිසා ඇතිවන තත්වයකි. බොහෝ විට ආහාර පාලනය මගින් මෙම තත්වය පාලනය කල හැක. නමුත් සමහර අවස්ථා වල ඉන්සියුලින් පාලනය කිරීමක් සිදු කල යුතු වේ. දියවැඩියාව සහිත මවගේ දරුවාට සමහර අවස්ථා වලදී ශ්වසන අපහසුතා වලට මෙන්ම උපතේදී ඇතිවන විවිධ සංකුලතා වලට මුහුණ දීමට සිදු වේ. කෙසේ වෙතත් ගර්භනී සමයේ ඇති වන දියවැඩියාව නිවුන් මෙන්ම එක් දරු ගැබිණි මව්වරුනටද පොදු වන අතර ඒ සදහා ප්‍රත්‍යක්ෂ සහ කාර්යක්ෂම ප්‍රතිකාර පවතී. අප මෙයට පෙර ලිපියක ගර්භණී සමයේ දියවැඩියාව පිලිබඳ සාකච්චා කල අතර ඔබ එහි දැක්වෙන ලක්ෂණ දැනෙයි නම් වහාම කායික රෝග වෛද්‍ය වරයකු (Physician) හමුවන්න. ඔබේ නාරී හා ප්‍රසව රෝග වෛද්‍ය වරයාද (VOG) මේ පිලිබඳ දැනුවත් කරන්න.

* කලලබන්ධය සම්බන්ධ ගැටළු

නිවුන් දරුවන් සමහර අවස්ථා වල කලලබන්ධය හවුලෙ බුක්ති විදින අතර සමහර අවස්ථා වල කලලබන්ධ වෙනමම පවතී. නිවුන් දරු ගැබිනි මව්වරු placenta previa (ස්වභාවික ලෙස දරුවා බිහි කිරීමට බාධා පමුණුවන තත්වයක්) සහ placenta abruption (නිසි කලට පෙර වැදෑමහ ගැලවී යාම) වැනි සන්කුලතා වලට පත් විමේ වැඩි අවධානමක් පවතී. කලලබන්ධය සම්බන්ධ ගැටළු නිසා මව ගර්භණි අවදියේ සහ ප්‍රසුථියෙන් පසු රුධිර වහනය වීම් වැනි අවධානම් තත්ව වලට මුහුණ දිමට සිදු විය හැක. සැලකිළිමත් නිරීක්ෂනයන් මගින් මෙම තත්වයන් අවධානම් සහගත වීමට පෙර හදුනා ගත හැක.

* හෘද රෝග

නිවුන් දරු ගැබිණිමවක් සාමාන්‍ය එක් දරු ගර්භනි මවකට වඩා හෘද රෝග වලට ගොදුරු වීමේ අවධානම 12 ගුණයකින් වැඩි වේ. ඔවුනට ගර්භනි සමය තුල හෘදයාබාධ ඇති විමේ අවධානම ඉහල මට්ටමක පවතී. ගර්භණී සමයේ ඔබට ඇතිවන අධික මානසික පීඩනය, දරුවන් දෙදෙනෙකු දරා සිටීමේදී ඔබේ හදවතින් කල යුතු කාර්ය ප්‍රමාණය වැඩි වීම ආදිය මෙයට හේතු ලෙස අනුමාන කරති. නමුත් තවත් බොහෝ සාධක මෙයට බලපෑමට ඉඩ ඇති නිසා, ඔබත් නිසි ලෙස ආහාර පාලනය, මානසික සමතුලිතතාවය, සුදුසු පරිදි ව්‍යායාම ආදිය කරමින් මනා සුවතාවයක් පවත්වා ගැනීමට උත්සාහ කරන්න. අධි රුධිර පීඩනයේ ලක්ෂණ දැනුන වහාම ඔබේ වෛද්‍ය වරයාගෙන් උපදෙස් පතන්න.

* Preeclampsia

මෙම තත්වයෙදී අධි රුධිර පීඩනයත් මුත්‍රා සමග ප්‍රොටින් පිටවිමත් සිදුවේ. සාමාන්‍ය මට්ටමට වඩා මුහුණ සහ අත්පා ඉදිමීම, අධික හිසරදය, ඇස් පෙනීමේ වෙනස්වීම්, උදරයේ අධික වේදනාව, නොනවත්වා බර වැඩිවිම මෙම රෝගයේ ලක්ෂණ වේ. නිවුන් දරුවන් බලාපොරොත්තු වන මවකට මෙම තත්වය ඇතිවිමේ අවධානම එක් දරු මවක මෙන් දෙගුණයකි. මෙයට ප්‍රතිකාර නොගතහොත්, ධූලකරක්තිය (toxemia) හෙවත් ලේ විස වීමේ තත්වයට පත්වී මවට මෙන්ම නූපන් දරුවාටද මරණ තර්ජන ඇති කරයි. සෑම නිවුන් දරු ගර්භනි මව්වරු තුන් දෙනෙකුගෙන් එක් අයෙකු preeclampsia අවදානම සහිත වේ. සමහර අවස්ථා වල විවේකය සහ ඖෂධ ලබා දුන්නද වකුගඩු දුර්වල වීම්, සහ අනෙකුත් හදිසි අබාධ තත්වයන් ඇතිවිය හැකි නිසා සෑම විටම ඉතා සුසුපරික්ෂාකාරී විය යුතුය. මෙම තත්වය ගර්භනී සමයට පමණක් බලපායි. සාමාන්‍යයෙන් දරු ප්‍රසුහියෙන් පසුව කල් පැවතිමකින් තොරව මෙම තත්වය පහව යයි

If you found this article interesting and helpful, please share with your friends too. Just click the "recommend" button below. Also, we welcome your comments, views and experiences to share with other moms and ladies. Thank you!

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති "recommend" ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි!
Srineth.com

Read More